59K views · 2.5K reactions | 🥘按此睇邊到有抵食中菜新店⬇ 有個讀心理學嘅朋友教過我，要優雅地引起人地注意，其實有套formula，就係優雅地做啲有反差嘅事。好似大隻佬識織頸巾，又或者外國人講廣東話粗口，又或者係觀塘鬧市建立一片綠林，好似呢間咁。呢間中菜最近開到黎觀塘，啱啱開已經排長龍，主打抵食嘅新派江浙菜，聽講都係搵黎米芝蓮級數大廚坐鎮，而且環境仲要再靚咗，佈滿植物真舒服，同觀塘呢區真係形成強烈對比。 - 🥘狀元芋頭煲 ($88) 唔好以為芋頭就係普通嘢，呢道將芋頭切成一片片超薄身，填滿成個煲仔，薄切更易煮到入味軟腍，但同時又不失芋頭口感。 🥩黑醋脆皮牛腩 ($118) 牛腩外層包上一層脆皮，一咬超酥脆，然後咬到落牛腩時，口腔就滲滿油脂香，而且又肥瘦均勻，唔會食到成口油，食肉獸一定鍾意。 🦐蝦湯泡飯 ($88) 🦪南乳醉鮑魚 ($98) 超鮮濃嘅蝦湯泡飯，仲有脆米可以落，一軟一脆非常香口，而後者凍盤醉鮑魚，切成薄片做到非常軟嫩，拌埋醬汁真係食上癮。 🍲陳皮菜蒲頭老鴨湯 ($58) - 綠茶餐廳 🗺️觀塘觀塘道418號創紀之城五期(apm)大堂高層UC-1號舖 📞63006168 | 田中小太郎🌰📹一人認真製作Reel中 - 美食 | 運動完 | 睡覺 | 向全世界人民問候身體健康